Toqusoqartarnera
Toqusoqartarneranik malinnaanermi innuttaasut agguaqatigiissillugu inuuneqqortussusaat atorneqartarpoq, taanna ukiut tallimat ingerlaneranni toqusartut malillugit suliarineqartarpoq. Titartakkami 6-imi 1996-imiilli inoorlaat agguaqatigiissillugu inuuneqqortussusissaat takuneqarsinnaavoq.
Titartagaq 6. 1996-imiit 2017-imut agguaqatigiissillugu inuuneqqortussuseq
Najoqqutaq: Naatsorsueqqissaartarfik - Kisitsisaataasivimmi kisitsisit takukkit (http://bank.stat.gl/bendt).
Nunanut avannarlernut sanilliullugu inuuneqqortussuseq sivitsungaatsiarneqarsinnaavoq, ilimagineqarporlu inuuneqqortussutsip qaffakkiartornera ingerlaannassasoq.
Inuuneqqortussuseq qaffassappat imminorneq aamma ajunaarnerit pissutaallutik inuunermik ukiunik annaasaqarnerit annertuumik ikilisittariaqassapput. Imminortarnerit aamma ajunaartarnerit angutit 17-it 25-llu akornanni ukiulinni ukiunik annaasaqaataanerpaajupput. Tamanna titartakkami 7a-mi takuneqarsinnaavoq, tassani ukioqatigiiaani (arnani titartakkami 7b-mi) angutinilu 10.000-ini inoorlaat akornanni inuunissaq takutinneqarpoq. Danmarkimi arnat inuunissaat assersuutitut aamma takuneqarsinnaavoq.
Titartagaq 7a. Angutit inuunissaat
Najoqqutaq: Naatsorsueqqissaartarfik - Kisitsisaataasivimmi kisitsisit takukkit (http://bank.stat.gl/bendt , www.statistikbanken.dk/hisb9).
Titartagaq 7b. Arnat inuunissaat
Najoqqutaq: Naatsorsueqqissaartarfik - Kisitsisaataasivimmi kisitsisit takukkit (http://bank.stat.gl/bendt , www.statistikbanken.dk/hisb9).
Titartakkani 7a-mi aamma 7b-mi takuneqarsinnaasut malillugit ukiuni kingullerni 30-ni 30-t inorlugit ukiullit toqusarnerat annikillerujussuarsimavoq, tamanna pissutaalluni ukioqqortussuseq qaffangaatsiarluni. Ukiukillutik toqusut inuunissaraluatik ukiut amerlanerusut annaasussaavaat, taamatullu akerlianik ukioqqortusereerlutik toqusut ukiut ikittuinnaat annaasussaallugit, sivisunerusumik inuusussatut naatsorsorneqassallutik.
Innuttaasut amerlassusissaannik naatsorsuinermi inuuneqqortussusermut naatsorsuutini toqusoqartarneranik naatsorsuutit kingulliit 2013/17-imeersut atorneqarput. Piffissaq naallugu (2050-imut) inuunissaq pillugu aamma titartaganngorlugu naatsorsuisoqarpoq. Assigiinngitsut taakku akornanni assigiiaartumik toqusoqartarnissaa naatsorsuinermi atorneqarpoq.
Inuuneqqortussutsip qaffakkiartornera maliinnarneqassappat 50-inik ukioqalereersimasut akornanni utoqqalinerusalernissaq pisariaqarpoq. Naatsorsugaq 1, Naatsorsueqqissaartarfimmit 2011-mili naatsorsueriaaseq atorlugu suliarineqarpoq. Utoqqaanerpaat toqusarnerat eqqarsaatigalugu annertuumik nalunartoqartoqarpoq. Toqusimasut amerlavallaanngitsut najoqqutarineqarput. 2018-imi januaarip aallaqqaataani 85-it sinnerlugilluunniit ukiullit taamaallaat angutit 65-iupput arnallu 129-ullutik.
Takussutissiaq 3. 2009-miit 2013-imut ukiumut inuunerit annaasat, toqunermut pissutaasunut immikkoortillugit
|
|
|
|
|
Procentinngorlugit |
||
|
|
Angutit |
Arnat |
Katillugit |
Angutit |
Arnat |
Katillugit |
|
Toqusut katillugit |
3.365 |
2.195 |
5.561 |
100,0 |
100,0 |
100,0 |
|
Imminortut |
1.238 |
533 |
1.771 |
36,8 |
24,3 |
31,8 |
|
Ajunaartut |
385 |
160 |
545 |
11,4 |
7,3 |
9,8 |
|
Toqutaasut |
74 |
97 |
172 |
2,2 |
4,4 |
3,1 |
|
Pissusissamisoortumik toqusut |
1.668 |
1.405 |
3.073 |
49,6 |
64,0 |
55,3 |
|
- kræfteqarlutik |
443 |
556 |
999 |
13,2 |
25,3 |
18,0 |
|
- KOL-eqarlutik |
15 |
38 |
54 |
0,5 |
1,7 |
1,0 |
|
- tallimat inorlugit ukioqarlutik |
339 |
146 |
485 |
10,1 |
6,7 |
8,7 |
Malugiuk: Inuuneqqortussusissaq inorlugu toqusoqanngippat.
Najoqqutaq: Naatsorsueqqissaartarfimmi kisitsisaatit.
Takussutissiami 3-mi takuneqarsinnaapput inuunermik annaasat naatsorsornerisa inerneri. Taakku atorlugit Naatsorsugaq 2 suliarineqarsinnaavoq, tassani innuttaasut amerlassusissaannik naatsorsuinermi toqusartut ikinnerpaaffissaminniissapput, tamannalu piviusunngussappat uku piumasaqaataapput:
· Imminortartut ikilinissaat (angutit imminortartut inuuneqqortussusermut sunniuteqarnerupput)
· Meeqqat toqusartut ikileqqittariaqarput
· Inuit peqqinnerulertariaqarput (inooriaaseq cigaritsilu)
(Arnat angutillu akornanni) toqusartut procentinngorlugit ima isikkoqassangatinneqarput:
Takussutissiaq 4. Toqusartut procentinngorlugit amerlassusissaannik naatsorsuineq, ukioqqortussutsinut aamma suiaassusernut immikkoortillugit
|
|
Naatsorsugaq 1 |
Naatsorsugaq 2 |
||
|
Ukioqqortussuseq |
Angutit |
Arnat |
Angutit |
Arnat |
|
0 – 9 |
-10 |
-10 |
-40 |
-40 |
|
10 – 19 |
-10 |
-10 |
-80 |
-40 |
|
20 – 29 |
-20 |
-20 |
-80 |
-40 |
|
30 – 39 |
-20 |
-20 |
-60 |
-40 |
|
40 – 49 |
-30 |
-30 |
-60 |
-40 |
|
50 - |
-40 |
-40 |
-50 |
-50 |
Ukiut tulliuttut ukiuni naatsorsuiffiusuni nikerarnerat assigiimmik agguataarneqarput tamatumalu kingorna allanngornani taamaaginnarluni. Naatsorsuutit malillugit inuunertussusissap ineriartornera eqqupajaarpoq, tassa inuit ukioqqortunerujartuinnarnissaat naatsorsuutigineqarpoq.
Takussutissiaq 5. 1998-2050-imi agguaqatigiissillugu inuuneqqortussuseq
|
|
Naatsorsugaq 1 |
Naatsorsugaq 2 |
||
|
|
Angutit |
Arnat |
Angutit |
Arnat |
|
64,3 |
69,8 |
64,3 |
69,8 |
|
|
2018 |
69,9 |
74,5 |
69,9 |
74,5 |
|
2030 |
71,6 |
76,1 |
73,0 |
76,8 |
|
2040 |
73,3 |
77,6 |
76,0 |
79,0 |
|
2050 |
75,0 |
79,2 |
79,3 |
81,5 |
Najoqqutaq: Naatsorsueqqissaartarfik.
Titartagaq 8. Inuunerup sinnissaanut ilimagisat, ukiut qinikkat. 2000 - 2050
Najoqqutaq: Naatsorsueqqissaartarfik.
Titartagaq 9. 2050-imi ukiut agguarsimanerisa toqusarnernut sunniutai
Najoqqutaq: Naatsorsueqqissaartarfik, Kisitsisaataasivimmi kisitsisit takukkit (http://bank.stat.gl/benp18D).